Karamellu tar-Raħal t’Isfel kien tifel li trabba f’vilaġġ Malti bosta snin ilu. Kien żmien meta t-tfal kienu jqattgħu ħafna ħin jilagħbu barra, bħal bil-boċċi tal-ħġieġ jew bil-ballun, b’xi skuter tal-injam, jew jiġru wara xulxin f’toroq bi ftit li xejn karozzi u ħajja sempliċi mingħajr televixin, kompjuter, internet u mowbajl.

L-istejjer qosra tiegħu joffru togħma oriġinali ta’ kif kienu jgħixu niesna fl-imgħoddi, meta f’raħal kulħadd kien ikun jaf lil kulħadd u l-hajja kienet ferm iktar kwieta u kalma.