Malta fis-sebgħinijiet u tmeninijiet. Tfal ġirien jilagħbu ħafjin barra fl-isqaq. Nisa jiġġieldu fuq iċ-ċuċati, jgħidu fuq dik u fuq l-oħra. Ma tonqosx il-politika ta’ żmien Mintoff, Borg Olivier, u aktar tard Eddie Fenech Adami. Fl-isqaq hemm minn kollox. Mara ddaħħal l-irġiel, Laburista akkanita, oħra tqaċċat biex tingħoġob mal-kandidat, u familji miġburin ukoll. Il-kandidat wegħedhom bosta imma ma wasal imkien. Imma lil Marì sabilha xogħol ma’ zitu. Hu tefa’ għajnejh fuq din il-mara sabiħa, imma Marì tefgħet għajnejha fuq il-ġardinar. Gejtu s-sinjur, raġel bla skrupli, ukoll tefa’ għajnejh fuq Marì u ma kienx ser jitlef ċans. Iċ-ċans ħatfu u Marì ħarġet tqila u kellha tifla. It-tifla semmietha Lisa, li ma kienet tixbah f’xejn la lil Marì u wisq anqas lill-ġardinar!