Lorella għandha komponiment x’tagħmel. Iżda ma tafx x’se tikteb. U kif tista’ tibda tikteb bil-kelb, Max, jinbaħ wara l-bieb ta’ kamritha?
Hekk kif fetħet il-bieb tal-kamra daħal tifel liebes stramb b’nifsu maqtugħ… Bilkemm riedet temmen li qed tisma’, meta t-tifel qalilha li kien il-ġenju tal-lampa li għadu jiġġerra sakemm iwettaq it-tielet xewqa. Lorella xtaqitu jgħinha tikteb il-komponiment, imma l-ġenju la kien jaf jikteb u lanqas jaqra!
