Tikka Malti 3b ikompli fejn ħalla Tikka Malti 3a. Huwa ktieb ta’ taħriġ fil-Malti b’mod iggradat u b’eżerċizzji li jogħġbu lit-tfal. Jiffoka fuq temi differenti permezz tal-erba’ ħiliet tal-lingwa. Jiffamiljarizza lit-tfal ma’ kif ikun imqassam ktieb, id-dinja differenti tad-draguni u d-dinosawri u fuq kif għandna nqassmu l-iskart, fost temi oħrajn. Filwaqt li jħarriġhom fl-oqsma tal-grammatika u l-punteġġjatura f’kuntest, ilaqqagħhom ukoll ma’ ġeneri differenti ta’ kitba u l-kultura. Il-ktieb huwa wkoll akkumpanjat b’podcasts li jvarjaw minn kanzunetti u taqbiliet sa stejjer fittizji u le.