Clifford Galea
Ma’ Glen Calleja

Ir-riħ li kien ġej mit-Tramuntana kien kessaħ kullimkien u kien qed iġorr miegħu kull xorta ta’ imbarazz. Deher il‑bieb ta’ darha jitbexxaq. Figura kemxejn abbattuta dehret tixref ’il barra. Eva. Fejn kienet sejra? Għalfejn kienet tmur bil‑mixi sal-palazz kull filgħaxija? X’konnessjoni kellu l-passju?

L-istorja teħodna fi żmien it-Tieni Gwerra Dinjija f’Malta u fl-Uganda, fejn niltaqgħu ma’ Eva u l-imħabba ta’ ħajjitha – is-Surġent Maġġur Christopher Michael Steward.

Wara li jibdlulha l-apparenza, Eva tispiċċa spija fuq il‑Brigadier Frederick Ralph Henson u tgħix ħajja li mhix tagħha. Imma x’jiġri xħin tinkixef il-verità? Tgħid is‑Surġent Maġġur kien verament mejjet? Min kien dak is‑suldat misterjuż li kien salvalha ħajjitha? U x’jiġri dakinhar tat-tieġ tagħha?

Dan ir-rumanz huwa rakkont drammatiku b’element senswali u xi ftit sopranaturali, li jdaħħlek f’intriċċi li jqanqlulek kurżità sa xħin finalment tinkixef il-verità. Imma x’inhi l-verità? X’inhi l-vera mħabba?

il-Halliel tal-Birgu
Kitba ta’ Charles Micallef St John

Kitba ta’ Sharon Calleja

Victor trabba b’għożża f’familja reliġjuża fi żmien meta r-reliġjon kellha dominanza fi mħuħ il-Maltin. Is-sittinijiet kienu żminijiet partikolari… il-kwistjoni poltiko-reliġjuża, l-indipendenza u l-qawmien taż-żgħażagħ fil-moda, il-mużika fost l-oħrajn. Victor inbidel minn tifel dieħel u ħiereġ il-knisja għal ġuvni fuq ruħu, imqareb f’għajnejn bosta.

Il-fittaġni ta’ Dun Saver u ta’ missieru biex jippruvaw iżommuh fl-istil ta’ ħajja li kienu jafu huma joħloq ribelljoni f’Victor li twasslu jaħrab minn Malta ma’ ħabibu Salvu. Id-destinazzjoni tagħhom… l-Ingilterra. Bl-għajnuna ta’ baħri, li kien jaħdem ma’ bastiment merkantili, jirnexxilhom jidħlu fil-pajjiż b’mod illegali u jispiċċaw jaħdmu fir-restorant tas-Sur Young fl-akkwati ta’ Westminster.

Hawn jiltaqa’ ma’ Carol, tfajla sabiħa, bint u l-mimmi t’għajnejn is-sid tal-post. Victor u Carol jinġibdu lejn xulxin b’mod istantanju. Iżda Victor kien maħrub minn pajjiżu, mingħajr wisq skola filwaqt li Carol kienet tfajla intelliġenti u dħulija u kienet qed tistudja biex tidħol l-Università.

Din ir-relazzjoni ħolqot problema għal missieha… waqt li Victor kien dejjem jagħmel ta’ rasu.

– Malli priġunier jiġbed in-nifs tal-libertà, isib quddiemu triq twila… żmien ġdid… bidliet li qajla jkun intebaħ bihom fis‑snin li qatta’ ’l bogħod mis-soċjetà. U aktarx li wara l-ferħ tal-ewwel jiem jintebaħ li l-ostakli huma kbar –ix-xogħol, id-dar, il-flus, it-trasport… Il‑familja u l-ħbieb lanqas mhuma dejjem ta’ spalla għal min jirriforma ruħu u l-individwu faċilment jerġa’ jinqabad fix-xibka tal-kriminalità.
– Pawlu u John, eks priġunieri, jiddeċiedu li jkunu huma ta’ sostenn għal min joħroġ mill-ħabs biex verament jintegra ruħu fil-ħajja li jkun nesa li teżisti. Iżda kemm jirnexxilhom jirriformaw ruħhom Sammy, Patrick, Tony, Lucy, Jackie u Jesmond? U x’ostakli jħabbtu wiċċhom magħhom fid‑dar il-ġdida?